SUN世代：嬌嬌女情迷冰上曲棍球
人不可以貌相，外表文靜的Joanna原來甚為好動，更醉心於要全副武裝落場拚搏的冰上曲棍球運動，每次出賽她都全情投入，盡顯英姿颯爽的另一面。
Joanna早年一次機緣巧合，在弟弟介紹下與冰上曲棍球結緣，一玩就五年：「向來做設計都係好個人嘅事，但打冰上曲棍球，係一件好講求teamwork嘅事，講緊要點同其他人配合，係好好玩嘅一件事。」
冰上曲棍球比賽激烈，雖然她外表弱質纖纖，但實際上體力驚人：「最難忘有一年國際賽，好多隊員有事未能出席，結果要喺無後備下打足成場，最終雖然輸咗，但能夠完成全場賽事，已經當贏。」
除了打波外，Joanna亦都愛四處旅遊，吸取創作靈感。她近年又與朋友研習氣功，令心境平和：「以前個人較自我，容易『忟憎』，依家覺得自己EQ高咗，對待人處事好有幫助。」
Joanna是冰上曲棍球好手。（受訪者提供）
Joanna愛外遊，紓緩工作壓力，又可吸收創作靈感。