政壇：必瘦站歐陽江減肥人辦
幾經波折，必瘦站今日終於上市，創辦人兼主席及行政總裁歐陽江睇住自己個「仔」登上國際舞台梗係好開心，仲爆咗個小秘密畀記者知。
好多人都知藝人佘詩曼係佢哋嘅代言人，查實Dr.歐陽都好有資格做呢個位。咪睇佢依家弗到成個代言人咁嘅外形，原來以前佢係一個肥仔，體重高達一百八十磅，於是的起心肝去學美容同體重學改善外形，仲花咗五年時間去鑽研同改良適合東方人嘅減肥機。
咁為乜搞到咁肥？佢話嗰時做見習醫生壓力好大，於是食好多零食嚟減壓，加上又少運動，真係日子有功，腰圍漲到三十四、五吋。
