SUN微博:打橫嚟講:黑面無Q用
禽鳥世界內,有黑臉琵鷺,濕地公園有得睇,香港政圈,終於走出隻黑面豬了!鼓起泡腮,好cute得意!
事緣,係唐英年支持者的王英偉做校董會主席那間浸會大學,做出違反誠信的「民調早洩」醜聞,而又牽涉到唐唐身邊軍師陳慧兒,當記者追問唐唐解釋時,佢竟發晦氣,學足煲呔做黑面特首般,喝叱記者,敕令以後不得再問!
好!稍停,讓我show quali先:
「IQ」,即「智商」,表示人的智力高低數量之指標,唐唐有幾多?你話呢?「EQ」,即「情商」,指管理自己情緒的能力,佢無!「AQ」,即「逆商」,係面對逆境承受壓力和挫敗的耐力,佢更欠奉。「FQ」,即「財商」,理財能力也,看他做財爺的往績喎!負分囉。「MQ」,即「心商」,是維持心理狀況的指數,攞黑豬印的人,怎會有分。另一個「MQ」,指「德商」,即一個人的德行、品格、禮貌、忠誠等美德嘅,唐唐愛搞「課外活動」,點畀分呀!
綜觀上述咁多Q,唐唐都無的,真係乜Q都無,正式嚟講,絕對係「無Q用」!
黑面,不管「真惡」定「扮惡」,其實只係「側側膊」,唔回應記者提出的質疑,咁做,失分兼無私顯見私,返阿媽裙腳底含奶嘴吧!
彭志銘
次文化考古學家,對城中潮語有深入研究,博徵博引,廢官廢人行埋一邊。
歡迎add我facebook一齊鬧爆夕陽政府
Facebook:sunweibo_2012@hotmail.com
微博:Sun微博小店
「我依家已經係完全透明,我無任何資料可以提供!」──唐英年
再被問及民調早洩事件,唐英年一反戇居居斯文形象,向記者發晦氣。