創作一本小說，好多人都有呢個諗法，但未必會實行，仁濟醫院總理王賢訊（Vincent）最近就打算「處男下海」，出一本民國奇情小說，日前佢同太太Vincci出席仁濟嘅慈善籌款活動時，就透露自己一直寫開小說，首本著作將以中國領導人為主題，預料今年中就會面世，仲打算將部分賣書收益捐畀仁濟做慈善。
大學時修讀經濟同環球金融科嘅佢話，寫小說係興趣，一本小說閒閒哋都要寫十五萬至二十萬字，Vincci就話冇有怕，有時仲會開夜車寫到三更半夜添。
王賢訊（右）計劃今年中出奇情小說，太太Vincci都好支持佢。
