政壇：政商定格：K金大王睇好鑽石市場
前中西區區議會主席、外號「K金大王」嘅胡良利（萬益）珠寶老闆胡楚南經營有道，近年佢都睇好鑽石市場。佢話公司目前仍以K金批發為主，鑽石生意只佔兩成，但分析行業前景，卻認為鑽石認受性高，即使遇逆境，黃金同鑽石暫時賣唔出，放喺度都唔會蝕咁多。
胡楚南新抱王凱曼（Carmen）係公司嘅董事總經理，主要負責買賣交易，喺商場上同好多客人打交道，佢認為印度人鍾意玩拉鋸戰，傾到你攰為止；猶太人就冇價講，但講道理同守信用；內地人則似印度人，較為難纏，好彩佢自己都係內地出世，同聲同氣，乜事都易傾啲啦！
胡楚南話賣黃金同鑽石各有優勢，冇咁容易貶值。
王凱曼事事親力親為，專注鑑定每一顆鑽石。