SUN微博：打橫嚟講：自駕遊跨港

一直以來，都搲爆頭，想極唔明，何解那面目浮腫、民望負分的林瑞麟，做嘢缺失連連，禍港多年，不單止地位鞏固，更可加冠晉爵，還深得曾蔭權特首公開高度讚許。我又為，林公公升職，是歸功於佢曾搞爛香港雙普選進程有關，原來……

近日，本地港人與內地「蝗蟲」（專指破壞香港的那群劣質大陸人，非所有國內同胞）爭執不斷時，港府鬼鬼祟祟的，突然細細聲話，下個月要推行「跨境自駕遊」，讓大陸人「駕車來港自由行」，嘩！到時，中港兩地「同胞」，唔片鑊勁，就乜都得矣！

先不說，甚麼內地人不守香港交通法例、左右軚大混亂、道路大塞車、環境污染、惡車霸恃強生事、逆線暴走，剷上行人路U turn、狂響喇叭、假牌橫行……令前線執法人員疲於奔命，無暇應付香港罪案等等問題外，我們最不能接受的，是特區政府在毫無公開諮詢下，又一次黑箱作業，搞垮香港，害多我哋一鑊。

替香港做此禍港秘密決定的，係時任政制及內地事務局局長林瑞麟，佢話：「不牽涉立法會額外撥款或立法，因此，政府毋須向立法會提案」喎！大佬，咱們香港人有乜得罪你阿媽呀？要如斯卑賤，賣港求榮。你升官，我哋升棺？

次文化考古學家，對城中潮語有深入研究，博徵博引，廢官廢人行埋一邊。