SUN世代：教仔洗水晶燈傳授做人道理

「我教個仔洗水晶燈。」高鼎國育有兩歲及五歲兒子，在剛過去的農曆年廿八，他落手落腳教兒子洗邋遢：「洗水晶燈可以教好多嘢，要學照顧自己、唔怕污糟，有啲事自己處理到就要做，亦唔可以半途而廢。」

除教子別有一套外，高鼎國亦把握勉勵年輕人的機會。除了是工業家，他身兼多個公職，更幾乎是一位專業領隊。○八奧運年，他帶領約三百位大學生參觀鳥巢和水立方等，○九年又帶領兩岸三地的青年企業家赴台交流，翌年再帶團到上海世博：「我做過世博體驗團團長，團員係來自二十幾個省份嘅學生，佢哋好多從未離開出生地，我想大家知道世上好多人都生活喺唔同嘅環境，想佢哋交流吓。」

如此落力，全因相信不同階段要有不同得着，因此今年暑假，高鼎國會安排四十位港大學生到上海實習，「多出去睇世界，增加社會經驗，對成長好有用處！」