沙田馬場尋日舉行「博愛盃」，候任博愛主席潘德明同太太及囡囡潘浠雯一早嚟到，潘德明話，兩個月前發現有耳鳴，睇咗三個專科醫生都話冇得醫。後來向博愛醫院中醫部求診，食咗幾劑中藥後已有好轉，遲啲仲會做針灸跟進，難怪佢賣花讚花香，話博愛嘅中醫服務確係一流。
博愛副主席Lily陳李妮同總理譚姜美珠聽朋友講起拜太歲，都話圓玄學院全港最靈，Lily喺圓玄拜太歲超過廿年添！正當傾到興起時，賽場內開閘笛響，Lily至醒起仲未落注，最終佢嘅心水馬真係跑出，靚女大呻走寶。
陳李妮喺圓玄學院拜太歲超過二十年。
潘德明（中）帶埋太太（右）同囡囡潘浠雯（左）齊撐場。
