政壇：波波大浪灣度元宵？
立法會會計界議員「波波」陳茂波尋日喺社交網站facebook話，今日要同太太搵個地方躲一躲，佢仲上載咗一張大浪灣嘅相，話香港好多地方好引人入勝，例如大浪灣。唔知係咪暗示今日同太太去大浪灣度元宵節，即係中國情人節呢？
坊間有好多評論，都認為今年潛伏唔少危機，係頗為艱難嘅一年，但波波就反而幾樂觀。佢話香港嘅經濟環境好受外圍因素所影響，外邊風大雨大，香港呢度亦唔會有覺好瞓。然而中港兩地嘅經濟有密切關連，只要內地保持平穩，香港亦唔會太壞，至於樓市，佢就預料頂多只係跌一成。
佢仲話只要特區政府妥善處理雙非孕婦與房屋問題，社會上自然少咗好多怨氣，大家自然就會開開心心。
陳茂波認為妥善處理雙非孕婦同房屋問題，一定可以減少好多怨氣。