政壇：李運強豪擲千萬買駿馬

尋日喺沙田馬場見到理文造紙主席李運強同太太，佢哋啱啱去澳洲歎足十日。李運強話同太太、馬主朋友年初三已經飛咗去澳洲食吓龍蝦，探吓親友，初五就去咗新西蘭卡拉卡（Karaka）嘅馬匹拍賣會。

佢喺拍賣會上豪擲千四萬港元，成功購入五匹駿馬，成隊兵咁款，其中一隻更以八十萬新西蘭元，即五百二十萬港元成交，成為全場第二最高價拍賣。佢話價錢唔係問題，志在開心。講講吓，佢好興奮咁攞咗份《新西蘭先驅報》出嚟畀記者睇，原來該份報紙都刊登咗佢買馬呢段新聞。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能，財經資訊，實時實發！

李運強豪擲千萬買駿馬，獲當地傳媒大篇幅報道。