政壇：搞搞政：張建宗亂噏幫鬍鬚曾補鑊
被嘲為「史上最廢財爺」嘅鬍鬚曾，新一份財政預算案一啲都無幫到N無人士，畀人鬧爆，仲搞到有N無單親媽媽張小姐特登打去電台，喊晒口話自己同個女蝸居喺劏房，為保尊嚴唔攞綜援，寧願出嚟做嘢，但係政府就無視佢哋嘅存在，完全冇幫過佢哋。
勞工及福利局局長張建宗尋日出嚟介紹財政預算案嘅措施時，當畀人問到政府完全冇幫到N無人士時，仲主動提起呢位張小姐，話好欣賞張小姐自力更生，又話其實佢可以去申請鼓勵就業交通津貼，又話可能佢唔知有呢個津貼可以申請，仲叫佢快啲同勞福局聯絡添！
呢個單親媽媽批評嘅係預算案，依家張建宗叫人去申請交通津貼，想幫鬍鬚曾補鑊都唔可以亂嚟o架，事關俗稱「膠樽」嘅津貼，並唔係預算案嘅內容嚟。不過，張建宗都有優勝之處，就係識得按撫市民嘅情緒。
設計圖片及對白