SUN熱辣：政府加深兩地人矛盾
就有港人在社交網站開設群組反對內地人來港自駕遊，有學者直指政府政策考慮不周，未有保障港人利益，加深中港兩地人的矛盾。
「對於依家中港矛盾問題，政府要負好大責任！」香港理工大學社會政策研究中心主任鍾劍華坦言，政府推行粵港過境私家車一次性特別配額試驗計劃，欲開放自駕遊刺激旅遊業帶動消費，全以利益為着眼點，未有考慮對本港帶來的負面影響，令港人對內地人怨恨更深，加劇兩地人的矛盾，「依家都已經有群組反對，到時開放咗自駕遊，又有意外，塞車問題又嚴重啲，矛盾就會再深好多！」
鍾稱，政府在處理中港政策時，未有周詳考慮，損害港人權益，引發中港矛盾，「雙非孕婦湧港生仔就係一個好好嘅例子，有時唔怪得啲雙非孕婦，係港府畀咗個選擇佢哋！」