政壇：政商定格：浙聯餐廳淮揚菜飄香
由浙江省同鄉會聯合會開設嘅「浙江軒」餐廳，開業不足三個月，但精彩美味嘅淮揚佳餚聲名不脛而走。早前浙聯青年委員會主席Anthony車弘健聯同一班委員去食晏試菜，一邊享受地道家鄉菜，一邊密謀連串嘅新計劃，包括每個月舉辦一次名人講座。
當日佢哋叫咗成枱美食，包括勁受食客歡迎嘅醬蘿蔔、熏魚、胡椒小酥餅同松子雞粒鍋巴卷等，眾人食得好盡興。Anthony話新會所係由二十五位股東出資購置，共有三層，其中兩層係餐廳。鑑於餐廳生意太好，所以最近又買咗同幢大廈六樓半層，打算擴充營業。
車弘健（右三）與一眾浙聯青委齊歡聚，左起：單曉斌、楊靈、鄒漢章；右起：李本俊、麥超傑。
胡椒小酥餅
紅燒金元寶