政壇：中電訊搞翻版《飛黃騰達》
據聞中國電信正籌組一項員工創業計劃，斥資過億元（人民幣．下同），鼓勵員工開展同電信相關嘅科技創業計劃！中電信董事長王曉初有咁嘅構想，唔知係唔係受到Donald Trump嘅電視節目《飛黃騰達》啟發呢？
據講呢項「員工創業計劃」嘅細節仲未完成，但大框架係涉及範疇將以移動互聯網、雲計算、電子商務等領域為主。更加有消息話，中電信考慮中嘅方案，涉資為二億元，創業團隊最少要由三名員工組成，每個團隊首期可獲嘅創業獎勵金為五至十萬元，創業期為兩年，期內中電信會為創業人員保留職位，而創辦嘅業務範圍當然係要同電信業務相關。
王曉初鼓勵員工開展科技創業計劃。（資料圖片）