幸福家庭一夜摧毀簡父以淚洗臉

【本報記者】慘逢家破人亡巨變的簡父簡福駒，事發一年半來心情未曾平復過，至今仍無法接受在他眼中「正常到唔正常」的愛兒會在一夜間將大好家庭摧毀，不禁淚流慨嘆：「人生根本就無得估！」他形容現時自己的生活「無晒將來無晒目標」，只望兒子終有一天可做回正常人。至於此刻心情，簡父平淡地說：「純粹敷衍性質喺呢個世上，睇吓個天幾時要我走就走……」

在住所對面經營茶餐廳的簡父，每天規律地來回住所與餐廳，四百多呎的家大致維持事發時布置，廳中擺放一家人的溫馨合照，妻女遺物也原封不動，只是多了兩個靈位。簡父自言「無心機亦無必要去整理，由佢哋擺喺度」。只因「家」在他心中已成了「純粹休息瞓覺嘅地方」，反而餐廳是其寄託，他沒有甚麼消遣娛樂，為了「唔想有太多空間諗太多嘢」，堅持不放棄工作。

大時大節最難受

簡父在大時大節尤其難受，去年及剛過去的農曆年他都選擇離開香港，而面對街坊朋友，他自言「自卑感愈嚟愈重，完全唔敢同人眼神接觸，好怕畀人問」；他亦一直抗拒傳媒訪問：「每問一次痛一次，每一條問題都刺入我心。」事實上他受訪期間一直低頭，說至傷心處更忍不住脫下眼鏡抹淚：「呢種痛你哋無辦法感覺到，大人大姐我都唔想喊苦喊忽！」　

對於兒子，他仍存希望，「個個父母都對自己個仔有期望，係咪先？想佢改過，出番嚟過正常日子」，他至今仍無法接受兒子有精神問題：「佢正常到唔正常，只係比較文靜，唔善於表達，如果早知就唔會搞到今時今日咁嘅地步！」原來他住在老人院的外母仍未知慘劇，為免外母受刺激，他已託親戚向外母瞞說他們一家已移民外地。

簡父在探望兒子時盡量避免談及本案，惟兒子亦曾向他表達悔意，「話令到老竇冇咗老婆同個女，孤苦伶仃」。雖然兒子在庭上和他零交流，但他透露兒子有通過律師叫他不用擔心，他為了繼續照顧兒子，決心不會離開傷心地，等着兒子回來一同生活。對於自己，他說：「應該呢一世都喺度獻世！」