SUN熱辣：專才企業投資可移澳

景鴻移民有限公司董事長關景鴻表示，澳門政府曾於九九年推出開放移民政策，吸引不少港人移居澳門。「當時澳門樓市唔好，為咗鼓勵投資，只要港人喺澳門房地產有五十萬澳門元投資，就可以拎到臨時居民身份證，可以喺當地工作。」他續指，現時港人要移居澳門，可透過婚姻、高技術專才及企業移民提出申請。

結婚方面，若另一半是港人或外國人，其申請最快可於三個月至半年獲批。其實，不少本港藝人包括森森早年亦和丈夫到澳門定居。

「喺澳門，我可以輕易搵到一份心儀同埋安穩嘅工作。」80後Alvin，父親是澳門人，母親則是香港人，一家三口本來定居香港，直至他高中畢業，為了前途，終於申請那張他自出娘胎已有資格申請的澳門身份證，來到澳門，他順利入讀澳門大學，○七年畢業後，更當上公務員，現時月薪兩萬多澳門元，羨煞不少香港的大學畢業生，「無論喺邊度做嘢，都會有工作壓力，但喺澳門，工作壓力相對無香港咁大。」