政壇：鯊魚女擇偶品紅擄芳心
品酒二十年嘅「鯊魚女」、保良局總理Abbie陳細潔，為豐富紅酒知識，曾到法國拜師上品酒課，又穿梭大小酒莊、出席各大品酒會，刻意讓味蕾變得功力深厚。尋尋覓覓，佢發現最愛還是1983法國佳釀Chateau Lafleur，入口係滿滿嘅濃醇花香，令人如沐春風，像墮入愛河嘅青春少艾。現時佢嘅存貨仲有一打，特別日子先至捨得一飲為快。
佢又鍾意用品酒去比喻男士，似熟識，卻又猜不透。佢話揀男友，有冇錢都唔緊要，但滴酒不沾者，一定冇機會囉。佢家中嘅酒窖，收藏逾千支名酒，佢期待遇到人生嘅Mr.Right，陪佢把酒傾心事。
Chateau Lafleur入口如沐春風，遇上喜慶日子，陳細潔才捨得開嚟飲。
陳細潔期待搵到知音人把酒言歡。