政壇：陳幼南買磚頭 深圳王捧內銀
潮州商會尋日團拜，會長陳幼南率領眾副會長等恭賀一番。場內見到潮屬社團總會前主席莊學山，問起點睇龍年經濟，佢就以一個「難」字形容今年營商環境，寄語商家多動腦筋，求變求創新。佢話日本同歐洲人已明白坐以待斃唔係辦法，大膽輸出科技及人才，連以往從不外流嘅高科技都「往外跑」。所謂亂世出英雄，只要香港人肯放眼世界，絕處都會逢生機喎！
「深圳王」、全國政協委員黃楚標就話買中國股票唔差得去邊，首選係內銀股。陳幼南就鍾情「買磚頭」，理由係美國聯儲局將維持低息政策至二○一四年，香港樓市應該有運行，趁調整不妨吸納優質盤自用。
陳幼南（右）同許學之（左）齊祝願香港經濟如龍騰起舞。