政壇:煲呔曾車津謊言呃長者

仲有五個月就「退伍」嘅煲呔曾,為造政績,佢突然喺之前立法會答問大會上話會爭取喺離任前落實長者乘車津貼,換言之長者喺六月三十日前就可以用兩蚊優惠搭港鐵同巴士。正當大家滿懷希望之際,尋日仲有區議員同長者去請願,要求小巴納入優惠計劃內。

但有知情人士聽到後即時踢爆話,因計劃涉及好多複雜嘅技術問題,加上就算趕及喺換屆前公布計劃詳情,亦要向立法會財務委員會申請撥款,落實嘅時間表相信最快喺今年下半年,甚至係年底先得。翻查資料,勞工及福利局局長張建宗喺去年底講過只係爭取計劃喺今年下半年實施,根本同煲呔曾嘅承諾係兩碼子嘅事。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

有區議員同長者昨日請願,要求把小巴納入優惠計劃內。