政壇:譚禮寧講心唔收花紅

二○一一年內地樓市在號稱為「史上最嚴」嘅宏觀調控下終於度過,唔少內房開發商都準備好,繼續面對今年內地樓市「寒流」。佳兆業副主席譚禮寧(L.L.)都話,一眾管理層都知道依家環境好艱難,所以「講心唔講金」,主動提出今年唔收花紅,實行同公司共度時艱。

雖然話有調控打擊,但佳兆業舊年成功喺下半年發力,喺主席郭英成嘅帶領下,賣樓賣到超出全年目標,金額做到一百五十二億人仔。做得咁好,一眾管理層又咁乖,所以據講老細都好識做,對個別管理層都有「錫」番一啖,以示獎勵。至於點「錫」呢?就唔講得嘞!

除咗管理層之外,L.L.話公司其他員工都有花紅嘅,仲相信佢哋會相當滿意添,至於今年人工嘅加幅有幾多?佢話要根據表現嚟定,但整體嘅平均加幅就冇之前一年咁好。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!