SUN熱辣：屬刑事欺詐可判監七年

濫用商店服務隨意退貨，以為可以便宜盡貪，但執業大律師陸偉雄警告，以標籤槍重釘招牌退回衣服，已屬欺詐，屬刑事行為，呼籲消費者切勿以身試法。

「如果商戶喺退換條款中，訂明必須未曾剪下招牌標籤才可以退貨，你剪咗牌再用標籤槍重新釘番個招牌，好明顯係破壞條款，欺騙商戶，咁就係欺詐行為，屬刑事罪行，最高可以判監七年。」陸偉雄補充指，一旦人贓並獲，警方舉證將會十分容易：「唔好為咗一件衫，搞到留案底。」

至於穿着未曾剪掉招牌衣服，出席大小場合後，才退回商店，陸偉雄認為，視乎商店條款細節有沒有訂明相關內容，不過他承認這方面舉證較難。他更表示，不少消費者都為慳錢穿着未剪牌的衣服出席活動，身邊亦不乏此類人。「有時要出席一啲重要場合，佢哋唔想特登買一件晚裝，之後打理又麻煩，所以就會用完即退。」