SUN熱辣：玄學家：死於非命百年怨未消

鬼神之說，信則有，不信則無。玄學家指人死於非命，鬼魂會留在枉死地，除非怨氣消散或舉行超度會，否則鬼魂一百年也不會離開。不過，心理學家則指世上本無鬼魂，看見鬼魂者只是日有所思，夜有所夢！

「呢對姊妹死於非命，屬枉死，佢哋陰魂不散，會停留喺陽間，甚至唔願意離開肇事單位，即使有牛頭馬面嚟捉都會四圍匿！」玄學家區仲德表示，枉死鬼魂，心結未解，若沒有舉行超度會，或有高僧唸經超度，鬼魂逗留一百年都不離開去輪迴轉世。若鬼魂得知兇手放監，怨氣會增加，「陰靈可感應到陽界嘅事，佢哋呢啲叫『憑寄靈』，要等到兇手死去，陰靈才會輪迴轉世。」

不過，藍天心理諮詢中心註冊臨床心理學家鄒凱詩認為，鄰居聽見高踭鞋聲或女人聲，只是受到兇殺案的影響。「件事咁大，鄰居當然好緊張，好驚，經常會疑神疑鬼，聽到少少聲就會幻想當日情景。」她強調這只是日有所思、夜有所夢的心理作用。