City Parade:MAGNUM Club 開幕 龍‧蒲
炮聲「龍龍」除舊歲,初二賀歲煙花閃耀維港夜空。近二千位官商名流齊集灣仔會展,近距離觀賞煙花騷。「飛龍」煙花彈乍現長空,龍珠獻瑞,萬家歡樂。Club界有新氣象,大型時尚華麗會所MAGNUM Club龍年率先喺中環登場。豪擲半億打造嘅豪華升降舞台,係全蘭桂坊獨有。城中名人未蒲先興奮,開幕當日,逾百名人來臨恭賀,星光熠熠。
名模到
名模Ana R(右)與Madi Ross(左)一身性感打扮,賀MAGNUM Club開幕。
孖公仔
賭王千金何超雲(左)同男友陳山聰(右)愛得如膠似漆,有影皆雙。
夠美艷
「扒王之王」太子女李依琳(右)美艷性感,身邊好友當然樂做護花使者。
搵靚位
骨科名醫高永文(左一),拉埋太太(左二起)、契女Zoe及大仔高偉琛,搵個靚位睇煙花。
有財運
菁英會會員蔡尚圻(左)新年買馬中逾萬元彩金,女友都讚佢夠旺。
樂逍遙
前入境處長白韞六夫婦(左二及一)巧遇前消防處長盧振雄夫婦(右二及一)大談退休生活。
留港好
前亞姐羅霖(右)一家三口留港度歲,睇賀歲煙花,自然係最佳節目。