政壇：肥亨出遊由細女統籌
嚴寒嘅春節過去，中策集團主席馬時亨（肥亨）早前同太太王培琪、大女馬露明及醫生老公劉仲恒（Kevin）、細女馬露玲等親友一行共九人，飛咗去馬來西亞浮羅交怡，歎咗五日陽光與海灘，真係爽！
肥亨對浮羅交怡嘅夕陽及椰樹輝映嘅海灘景色好難忘，大讚可媲美世外桃源，希望當地快啲開通同香港嘅直航機。佢透露，此行由細女露玲全程統籌，以前家人出遊嘅細節都由佢一手負責，依家囡囡大咗，唔使佢操勞，肥亨玩得盡興又放心。問到大女露明同女婿Kevin會唔會趕住生龍B？肥亨話，交番畀啲後生揸主意，總之一切順其自然。
馬時亨夫婦（左三、四）同親友外遊度歲。左起：妹夫、妹妹；右起：姨甥女、姨甥、大女婿、大女露明及細女露玲。（受訪者提供）
肥亨着到利是封咁同大家拜年。