西九文化區管理局行政總裁連納智（Michael Lynch）上任已經半年多，大學時主修政治嘅佢點解走上藝術之路呢？佢話細個時學過吹圓號，亦熱愛大提琴，大學畢業後有機會喺悉尼歌劇院工作，自此同藝術結下不解緣。
佢尋日出席一個電台節目時又話，三十幾年工作中，最難忘喺小型劇院工作，因為從構思歌劇至選角、排演、行政、宣傳等工作都可以親身參與，佢又話，好欣賞港人不斷學習嘅精神。至於本地藝術，佢就話本地藝術工作者既要專注創作，仲要兼職維生，希望社會給予藝術工作者更大嘅支持喎。
連納智讀大學時主修政治，卻因進入悉尼歌劇院工作踏上藝術工作之路。
