政壇：侯志強單手砌低弱雞唐
鄉事派不時有啲惹火人物，上水鄉事委員會主席侯志強早前出庭頂證「食力簡」簡炳墀賄選，言論同表現竟然同食力簡一樣咁牙擦，佢尋日同傳媒拜年時就講到武術，本身係特首參選人唐英年（唐唐）支持者嘅侯志強仲話，如果同玩開自由搏擊幾年嘅唐唐講手，佢單手就可以搞掂對方喎。
唐唐日前喺鏡頭前扮玩自由搏擊，但表現卻明顯獻醜，出拳弱雞，予人手軟腳軟嘅感覺，連侯志強都笑笑口話，如果真係同唐唐玩格鬥，單手都可以打贏對方，即使自己支持對方都係咁話。佢透露，自細就好百厭，成日畀鄰居投訴，所以不時會畀阿爸吊起嚟打，加上成日通山走，因而鍛煉出一副壯健嘅身體，閒閒哋幾個人埋身都未驚過。
不過，佢好打係因為年輕時食過夜粥，先後學過詠春、洪拳同自由搏擊，所以依家仲打得吓。
