中年漢港鐵車廂小便

【本報訊】港鐵車廂成為公廁？最近中港兩地網民，就港鐵「車廂食麵」事件掀罵戰後，日前又有網民聲稱目睹疑似內地中年漢，在港鐵車廂公然小便長達兩分鐘，大攤尿液在車廂內流淌，場面惡心，乘客嚇到大疏散，中年漢「完事」後，即在下一站落車。網民對於該小便男是港人抑或內地人，又引發爭議。

疑似車廂小便的照片，自上周三開始在社交網站及討論區廣為流傳。相片顯示，一名穿着黑色羽絨外套、深色長褲的中年男子，站在港鐵車廂內近車門位置，雙手捉住扶手，面向玻璃及座位，褲襠位置清楚見到疑似下體外露，男子腳旁地上則有大攤疑似尿液，且隨列車擺動流遍四周，非常惡心，在座乘客嚇得驚逃。

網民質疑點解無人報警

據自稱是目擊者的網民形容，該名男子疑似內地人，他甫上車不久便站在上述位置，拉下褲鏈就地小便，完事後在下一站落車，整個過程約兩分鐘，期間沒有乘客制止，亦無人通知車長或報警，部分人因為難抵惡臭離座。大批網民留言憤斥撒尿者無公德外，雖然無證據顯示相中男子的真正身份，但有網民批評香港人冷眼旁觀的態度令人痛心：「呢張相我睇完好憤怒，唔係嗰個人，而係無人報警同處理，等同有人強姦企定定睇。」、「點解無人按掣？」、「我會即時鬧佢，即時報警，佢唔只屙，佢露械呀！」