旅遊發展局主席田北俊好鍾意滑雪，每年聖誕節至農曆新年都會去玩一轉，舊年佢去咗北海道滑雪，今個農曆新年就轉去冰天雪地嘅奧地利，同愛女、女婿同孫仔享受家庭樂。
田少透過facebook披露佢嘅滑雪之旅，仲上載咗幾張旅行靚相，田少同兩個孫仔嘅滑雪look梗係唔少得啦。田少話，六歲嘅孫仔晉仔學咗滑雪兩年，依家已滑得好快，佢都追唔上喇，想唔認老都唔得喎。聽田少咁講，似乎係為孫仔驕傲多過自慚喎。
