政壇：陳國民開心指數爆燈
沙田馬場尋日舉行兔年最後一日賽事，德國寶董事長陳國民嘅愛駒「開心指數」奪冠，穩袋三十八萬幾獎金，名副其實過肥年，咁開心嘅時刻，佢梗係拉埋老友齊分享，結果同廠商會會長施榮懷、中小企業商會會長吳宏斌、工業總會主席鍾志平、莎莎老闆郭少明等高高興興拉頭馬。
開心過後，佢仲打算同太太及囡囡去日本東京、大阪玩八日，度假叉電之餘，一家人亦趁機享受家庭樂。陳國民嘅愛駒名好得意，佢透露，前年有調查話港人快樂指數低，於是同老友成立咗「提升快樂指數基金」，不時搞吓講座、烹飪班、唱歌班，幫企業老闆增加快樂，連愛駒亦以此命名。
