政壇：神童筆下煲呔曾變苦瓜乾
煲呔曾每年過年時都會絞盡腦汁拍攝賀年短片救民望，今年仲特登搵獲獎無數嘅神童畫家劉見之幫手畫畫同參與拍攝，年僅六歲嘅見之亦送咗幅畫畀煲呔曾，不過，神童畫家別具慧眼，拿捏煲呔曾嘅人物特徵好到位，喺佢筆下，煲呔曾成個苦瓜乾面咁，苦相盡露。小朋友真係童心無忌，一眼睇到煲呔曾撐得好苦，點解唔早啲「退伍」呢﹖
特首辦尋日喺社交網站上載咗煲呔曾為農曆年拍攝嘅相片，最矚目嘅係煲呔曾收到見之送嘅肖像畫，因為畫中嘅煲呔曾目如死魚、面無血色、兩頰凹陷、仲露晒成排哨牙出嚟，似笑非笑咁相當嚇人。
有人見畫後大讚見之嘅畫功真係形神俱在，充分展現煲呔曾嘅真性情同內心世界，亦反映咗唔少市民嘅心聲同對煲呔曾嘅認識。但亦有留意開見之作品嘅人話，其實呢個係佢嘅一貫畫風。
設計圖片