政壇:東院道官小那些年小男生

本港多位名人聯手出咗本《我們來自東院道官小》嘅書,紀念佢哋嗰間已經結業、創辦於五十年代嘅東院道官立小學,其中一個係港區人大代表馬豪輝,佢喺本書憶述童年艱辛歲月,話細個時好窮,家住「劏房」,每日返學都會經過當年仲係起緊嘅豪宅「豪園」,小小心靈已經有個夢,後來佢做咗律師,有能力住豪宅時,二話不說就購入「豪園」,仲一住就廿幾年。

同樣係校友嘅中大醫學院院長霍泰輝就自爆,佢讀小學時好百厭,試過作狀踢老師屁股當場斷正,被罰抄學生守則五十次,翌日要交貨,最後要全家總動員通宵幫手先至抄得晒。

做過立法會議員嘅校友胡經昌仲搞笑,話有次與同學玩兵捉賊扭傷足踝,佢忍住劇痛跛吓跛吓都要繼續玩,之後又失足撞咗落籃球架,竟然將扭傷咗嘅踝骨撞番正,小朋友千祈唔好學呀!

「Money18免費即秒股票報價網站」現推出8升級功能,財經資訊,實時實發!