煞停響號未能阻慘劇

【本報訊】「我見到架車飛緊埋嚟，已經急停嘅啦，又響號警示，估唔到都撞埋嚟」，經歷「迎頭撞」的姓鄧貨車司機，從事廢物回收，身兼司機及車主，出事前正駕車往沙田禾輋邨收廢紙，在沙田醫院上斜位離遠已見私家車。

鄧憶述，兩車相距二十米時，私家車突然打斜直剷過來，他心知若果加油，兩車相撞將導致更嚴重傷害，故當機立斷急停車，又響號警示及試圖扭軚閃避，可惜避無可避。鄧連忙落車察看，見司機已失去知覺躺臥座位，女乘客則半昏迷，但仍有知覺。為免加重兩人傷勢，他不敢胡亂移動兩人，第一時間報警，由警員處理。

撞擊力達三噸

理工大學機械工程學系工程師盧覺強指出，若以私家車車重一點三噸，貨車車重五噸計算，私家車失事時的車速五十公里，撞向停定的貨車產生三噸撞擊力。假如貨車沒有緊急煞掣，被撞後輕微向後退，亦產生二點八噸撞擊力，足可造成傷亡。