政壇：花旗港大合辦星級課程

大家聽到坊間課程介紹自己歷史悠久、經驗豐富，但點都唔夠花旗銀行同香港大學合辦嘅銀行業課程嚟。花旗集團香港區行長章晟曼話，適逢今年花旗二百周年，加埋港大逾百年歷史，足足有三百年經驗，所以佢哋合辦嘅課程質素絕對有保證。佢仲話設計課程時都有考慮與時並進，所以今年新增咗「電子銀行服務」專題。呢個課程最值錢嘅地方，就係由班資深Banker擔任講師，教學生了解現時銀行嘅運作同業務；當然啦，最緊要啲Banker同樣傳授啲職場技巧畀學生。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能，財經資訊，實時實發！

章晟曼（中）話，花旗同港大夾埋足足300年歷史，有大把經驗同知識傳授畀學生。