菁英會副司庫Carol張雅麗早前同六歲囝囝晉熙暢遊新西蘭,兩母子入住農場,清早爬起身做農夫,齊齊餵動物。晉熙圍住綿羊氹氹轉,玩到唔捨得走;Carol就幫手餵馬,話咁快上手。
跟住兩母子租船出海釣魚,當地海洋水質靚,魚量豐富,一放魚餌,唔使五分鐘就釣到大魚,但Carol愛護海洋,將魚獲一一放回大海。佢哋仲未夠喉,跑去玩歷險活動,手牽手挑戰高空踩鋼線滋味。鋼線離地有成六米高,Carol嚇到個心卜卜跳,但為鍛煉兒子膽量,惟有頂硬上,最終有驚無險完成歷程。
張雅麗親親大自然,一嘗餵馬滋味。(被訪者提供)
初次到訪新西蘭農場嘅晉熙,同綿羊玩到唔捨得走。