政壇:施榮忻資助劏房戶租樓

百仁基金主席Jaime施榮忻前日聯同菁英會主席Witman洪為民探訪深水埗區嘅劏房戶,見到蝸居喺只有八十呎單位嘅盧女士同兒子,搞到佢哋心都翳埋,而呢家人正面臨業主收樓,住埋三月就要搬走。靠綜援度日嘅盧女士,因為居港未夠七年,唔合資格申請公屋,逼遷日子愈嚟愈近,兩母子隨時淪落街頭。Jaime決定自掏腰包,資助盧女士租樓一年,以解燃眉之急。

Jaime話現實生活中,唔少無殼一族連蝸居都租唔起,住劏房只求一處容身。佢批評政府口口聲聲話要取締劏房,但未為貧苦大眾提供足夠低廉住所,咁做只會逼窮人走上絕路,造成更多社會悲劇。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

施榮忻(中)同洪為民(右)探訪住喺深水埗劏房嘅盧女士(左)。(百仁基金提供)