《奪命追逃》情節 神探查泥土緝犯

【本報訊】「咁小事差人未必得閒理,都係靠自己啦!」憑耐性及細心觀察擒賊的醒目車房東主,笑言對自己受劇集啟發,策劃的捉賊行動最終成功感到非常高興,昨晚一家人更加特別出外吃飯慶祝「破案」。

報警未必有用

他不諱言,其車房位處偏僻,加上損失貨物不算多,報警未必有用,所以才親自出手。

車房東主利先生接受訪問時表示,由於賊人經常到其車房偷竊,他不甘損失,於是倣效劇集《奪命追逃》中的情節捉賊。他說:「套戲講個警察穿州過省去追捕疑匪,憑住雨後泥土上嘅腳印,成功推斷出疑匪出現嘅時間同身處位置,最後成功拘捕佢,我就係睇完套戲,啟發咗我去檢查車房附近嘅泥土!」

當捉野豬咁捉

利笑言,自失竊事件發生後,他與兒子一起研究,然後一手一腳部署行動,很有成功感。他提到與兒子在雨夜輪流躲於狹小的車廂內「當值」,笑言一點都不覺辛苦,並說:「雨天半夜捕獵係好時機,加上睇過外國紀錄片教捉野豬,我直頭當捉野豬咁捉,唔會辛苦!」他又稱自己愛親力親為,「都係靠自己啦!」

第一手消息請下載on.cc東方互動iPhone/iPad/Android Apps


「Money18免費即秒股票報價網站」現推出8升級功能,財經資訊,實時實發!