SUN微博：人星內戰大公開

禮賓府被批評嘥電，特首辦迅即發聲明澄清：對於近日有指特首浪費電力的報道，我們深表遺憾亦不能認同。行政長官作為前朝舊電池，至今日仍電量十足努力工作，足證他極其環保，望市民明察。

環保鬥士 杜女士@香港

W先生：「我無打你！」F先生：「你有打我！」W先生：「我無！」

F先生：「你有！」路人甲：「我見到佢無！」路人乙：「我見到佢有！」

小學生甲：「你舊擦膠擺過界！」小學生乙：「我無！」小學生甲：「你有！」小學生乙：「我無！」小學生丙：「我見到有！」小學生丁：「我見到無！」

童真 小王子@香港

某內地人正力勸其同鄉不要定居香港：「喺香港住，無自由o架！」素知，自由乃香港之核心價值，同鄉對此言大惑不解，忙問其故。「喺香港，大聲講嘢又唔畀，喺街屙屎又唔畀，用錢掟人又唔畀，仲有咩自由可言？」「嘩，我都係唔落去嘞！」

自由萬歲 太上蝗@溫州

「曾生，點解你要開咁多燈呢？」記者追問。

「er……」曾特首似有難言之隱。

「講啦！講啦！」記者群情洶湧。忽然，曾特首哭了出來，說：「哇呀……我對唔住香港人！中央叫我照住香港，我點知自己唔夠照啫……」

靠佢射住 長槍鳴@香港