自從爆出懷孕消息後，有「中國舒拉寶娃」之稱嘅中國網球國寶晏紫就銷聲匿迹，原來前日下晝佢喺香港誕下一名千金，母女平安。
晏紫丈夫係信義玻璃太子爺李聖根，早前老爺李賢義曾經講過，新抱仔確係佗緊BB女，但未知係兔女郎定係小龍女。晏紫爸爸接受內地報章訪問時爆料話，囡囡預產期原本係一月十四號，但過咗三日至生，好彩囡囡最終順產。
晏紫嘅老拍檔李娜第一時間喺微博送上祝福，呢兩日李娜同彭帥出賽，晏紫仲發短訊表達關心，可見佢精神狀態唔錯。
晏紫前日為丈夫李聖根誕下千金，母女平安。（資料圖片）
