國人富荷包盼莫窮文明

【本報訊】「有錢」內地漢大鬧北區醫院急症室事件曝光後，引發網民對中港兩地文化差異的爭論。事緣該男子前晚帶發燒的妻子到北區醫院求診，男子不滿候診時間太長，大吵大鬧，叫囂「我有錢，我可以畀錢畀我老婆睇先」，及後更發爛渣破口大罵，孭起妻子衝出急症室，有病人不值其所為：「有錢大晒啊！」

立法會議員王國興稱，改革、文明、富起來是中國人的共同目標，「富唔係淨係金錢，精神豐富更加重要，內地都講求精神文明！」他呼籲內地人「入境問禁」，遵守香港的秩序、尊重香港人以民主、法治為本的核心價值。

該名「出醜」的內地男子年約四十歲，戴金絲眼鏡，衣着光鮮。前晚八時許，該名內地男子偕發燒妻子到北區醫院急症室求醫，當時急症室內有三十多人，內地婦經護士初步檢查後，安排她在病床上等候。至十時許，男子等得不耐煩，操廣東話向當值護士「點解要等這麼耐？我有錢，快啲睇我老婆！」護士解釋不是金錢問題，又建議他可到私家醫院求診。

「強國人以為地球為佢轉」

但內地漢火冒三丈，繼續大吵大鬧，驚動三名警員上前了解，並勸喻他冷靜，以免騷擾其他病人，男子見別無他法，遂一手拉起病床上四肢乏力的妻子，將她孭在背上，怒氣沖沖奔離急症室，他邊行邊爆英文粗口，又大叫「香港係咁嘅！」、「我哋去那打素醫院啦！」

對於內地人圖用錢「打尖」事件，有網民說：「外國人到訪強國，要尊重當地文化，強國人到外地，卻要當地包容佢哋嘅文化，強國人認為地球為佢哋而轉！、亦有人說：「香港淪落成咁，阿爺做嘢啦！」