網民怨雙非更怨官無能

【本報訊】威院中港爸爸混戰及醫生受傷事件，再度揭出港府針對「雙非」孕婦政策引發矛盾和衝突。昨有大批網民分為兩個陣營爭議是與非，大部分人為香港市民抱不平，認為政府無能，未有全力保障港人權益，現時的問題是懦弱政府縱容所致。亦有人自稱內地孕婦的網民認為香港不應對她們下逐客令，港人亦不應凡事以港人身份自居。

「港府做嘢屎過澳門」

有網友說：「如果唔係港男都有郁手，一定唔會就咁算數，依家白白放過呢條友，真係唔順氣。」亦有網友建議：「快哋釋法雙非無香港身份證啦，人哋澳門都係咁，不過依家香港政府做嘢屎過澳門，以前澳門咩都跟香港，依家，唉。」網友fuwing28嘆稱：「如果政府再唔做嘢，香港人嘅出生率就會再下降，到時全部港人都變成雙非下一代。」亦有網民反駁：「不應歧視內地人，香港人夠有大鬧病房、打醫生，又唔見你哋出聲？」