政壇：阿Paul好耐冇幫襯D＆G
名店DOLCE ＆ GABBANA位於尖沙咀廣東道分店嘅影相風波搞到滿城風雨，網民一次又一次發起圍店影相行動，行動更成為國際媒體報道嘅一個焦點。旅遊界立法會議員謝偉俊（Paul）講起件事時，都有啲感慨，佢話自己都有參加萬人影相活動，仲透露好耐冇幫襯呢間名店，唔好誤會，阿Paul並唔係罷買，而係純粹嘅消費決定，事關佢覺得D＆G唔適合佢！
阿Paul話，佢以前都有幫襯呢個品牌，但幾年前身材開始走樣，自己亦冇再去入貨。事關D＆G貨品售價都唔平，自從佢出任議員之後，律師工作亦減少咗，所以冇咁多錢裝身喎。
講笑之後，阿Paul又講吓當日時裝，呢日佢戴住頂毛毛帽，佢話頂帽係購自西伯利亞皮草公司，係養殖皮草而非野生皮草，符合環保原則喎，呢頂帽都唔平啫？
設計圖片及對白