政壇：小小超同鄧蓮如密密斟
前行政局首席議員鄧蓮如（Lydia）勳爵九五年已退休，之後返咗英國定居，但佢丈夫唐明治仲喺香港做緊資深大律師，所以佢一直喺英國同香港兩邊走。農曆新年就快到，前晚就有人見到Lydia同老公與電盈主席李澤楷（小小超）及一班朋友喺中環歌賦街一間餐廳食晚飯。
當晚見小小超同Lydia相當熟落，成餐飯雞啄唔斷。當大家晚飯後準備走人之際，小小超就好有風度咁護送Lydia同唐明治上車離開。不過，小小超喺Lydia臨上車前，仲拉住對方密密斟。雖然佢哋好好傾，但傾緊啲乜有趣嘢，就要問吓佢哋先至知喇。
