政壇：莎姐細女湊成「好」字
富貴黨副主席「莎姐」周梁淑怡兩位寶貝女智美同智琪近年接力生BB，前晚莎姐細女智琪誕下第二胎，為佢添個孫仔，莎姐話咁快有四粒金孫，開心到爆。佢話孫仔未有名，因為佢哋為BB改名嘅過程非常民主，大家都有權表達意見。
莎姐早前已經話過，囡囡都鍾意玩驚喜，唔想一早知道肚裏面嗰個係仔定係女，所以一家人到日前至知生咗孫仔。智琪喺○九年中已誕下一女，今次追番個男丁，湊成個「好」字。智美、智琪兩姐妹不約而同各有一仔一女，認真完美。
周智琪同丈夫袁正文如今已湊夠一個「好」字。（資料圖片）
莎姐新添第四名孫仔，係個精靈嘅兔寶寶。（受訪者提供）
