拔萃男書院校董會前日拍板新一任校長，接棒者係精通音樂嘅副校長鄭基恩（Ronnie），佢將接替八月退休嘅校長張灼祥。呢位候任校長管理功力有幾深有待考證，但肯定嘅係好唱得，曾多次帶領男拔合唱團橫掃多個國際獎項，最近一次更威水到勇奪世界冠軍，建樹咁多，做校長一啲都唔奇。據聞校董會亦對Ronnie充滿信心，聽聞張灼祥在位時，曾聘請公關公司幫學校搞活動，但輪到Ronnie上位後，校方將唔會再用公關公司，睇嚟Ronnie想親自同傳媒過招，作風好親民喎。