貨車掛橋底如耍雜技
【本報訊】一輛吊臂車昨午駛經半山堅尼地道纜車天橋底時，疑吊臂未放置妥當撞向橋底，整輛車呈四十五度角「撲起」，僅兩個後轆着地卡在橋底，宛如耍雜技，司機嚇到面青爬落路面，慶幸無受傷，惟纜車服務受影響停駛一小時。
昨午五時二十分，四十餘歲男子駕駛有吊臂尾斗貨車，沿堅尼地道駛向灣仔，途至二十二號對開，當駛過離地四點一公尺、上面鋪有纜車路軌的天橋，疑吊臂放置不當，撞向橋底的鐵架，三分二車身懸空如「引體上升」，司機爬出車廂報警。
警方到場封鎖部分路面，纜車公司獲悉意外後，將上落山的纜車服務暫停，又派員到場視察，而駛至橋上的纜車須折返總站。警方召來兩輛拖車，合力將貨車拖返地面，貨車吊臂輕微損毀，纜車技術人員檢查天橋後，認為結構無影響，至晚上七時十五分恢復服務。
吊臂車撞向橋底，車身懸空，一度影響纜車服務。