政壇：中電新office設漁人碼頭
中電喺亞皆老街嘅總部，舊年十一月獲批重建。據講，改建緊嘅紅磡漁人碼頭，部分樓面已經預咗畀中電用，改建速度應該可以趕得切中電嘅需要。
紅磡漁人碼頭部分商場樓面改建嘅新office，有傳只係總部搬遷嘅第一步，中電公關話紅磡漁人碼頭設立新辦公室，目的係將目前分散喺多個唔同地點辦公嘅同事，集合埋同一office，但實際遷入新office嘅部門，暫時仍未有定案。
紅磡漁人碼頭坐落喺紅磡海逸豪園，發展商係長實，呢個盤中電有份參與，既然合作開，留番啲商場樓面畀中電，做法好正常。