香港中樂團上禮拜六晚首次舉行籌款音樂會，獲得城中名人熱烈撐場。「AO歌王」民政事務局常秘楊立門首次獻唱好懷舊嘅《禪院鐘聲》，博得滿堂彩。馬會前主席阿John陳祖澤同老拍檔甘何淑儀就演繹英語粵曲《帝女花之香夭》，英文歌詞更加由阿John親自寫，佢哋將男女主角殉情前蕩氣迴腸嘅愛情故事唱得好淒美，大家聽到入晒神。
教統會主席Moses鄭慕智壓軸演出，重新演繹「歌神」張學友嘅《你的名字我的姓氏》，佢話唱慣意大利文，今次係特別為佢編曲，唱番中文歌，佢都覺得幾好聽。
楊立門首次公開獻唱《禪院鐘聲》。
鄭慕智引吭高歌，大家聽出耳油。
