SUN世代:幾粒波子開創撫痛路

甚麼痛,在陳國正手上都有痊愈的希望。他在童年有過痛苦日子,長大後當上痛症專家,更將專業發揮到極致,不但發明痛症醫療品、開設物理治療痛症中心,並甘願放棄部分生意,堅持每天限量義診,除了看出強烈醫德,更有豁達人生觀。

從前,陳國正不是那麼堅強。七八年,他是鞋店小太子。但好景不常,厄運來襲,情況就「好似粵語殘片橋段咁老套」:「當年舖頭喺太子道,門口外長期有工程令生意一落千丈,後來結業,之後好戲劇性,阿爸病咗,我同幾兄妹去倒垃圾幫補家計,一連串經歷簡直係晴天霹靂。」

現實世界令人唏噓,但懂事的小孩,一兩個月就堅強起來,「我突然開竅,學識鍛煉正能量,好似打針咁,永遠係打之前嗰刻最痛,當真係打落去,其實唔係想像中咁痛。」他與家人捱過艱難日子,並努力讀書,順利成為物理治療師。

發明足穴保健板

陳國正在公立醫院做物理治療師逾十五個寒暑,雖然擁有西醫專業,但九十年代卻做「開荒牛」,在廣華醫院開設針灸部,專收難根治的痛症病人:「為咗呢個部門,我不斷進修,讀針灸、中醫課程。」

長期半工讀,沒有消磨他的醫學熱情。他鑽研醫治痛症,創下不少秘笈,開班做阿Sir:「我向醫院申請外出工作,搵地方開班,教導行內物理治療師!」不止教書,他更做發明家,希望令病人安坐家中,調理痛症:「我去文具店買波子,畀病人放喺腳部穴位度踩,但後來覺得次次執波子幾煩,所以向政府申請資助,用波子原理發明足穴保健板,後來又發明腕踝穴位針灸機醫治痛症!」

諗頭多,搞作多,陳國正更放棄穩定職業,走向充滿未知數的創業路。「始終打工多限制。」○七年他開設第一間物理治療痛症中心,業務比他想像中更好,短短四年間,共開設了七間治療中心。

他規定每位醫師,每天為三至四位病人義診,更在每個星期開講座,向病人教授「自療」秘訣,他笑說:「義診的確唔係每位醫師都願意,但行醫最重要係有心!」

陳國正小檔案

現職:

物理治療痛症中心Vcare董事

香港註冊中醫及註冊物理治療師

香港公開大學護理系客席講師

東華三院痛症及復康名譽顧問

學歷:

英國威爾斯大學痛症醫學碩士

香港大學針灸學碩士

香港大學醫學院中醫全科學士

香港理工大學物理治療學專業文憑

中國中醫研究院針灸學文憑

興趣:閱讀醫書

第一手消息請下載on.cc東方互動iPhone/iPad/Android Apps


「Money18免費即秒股票報價網站」現推出8升級功能,財經資訊,實時實發!

李嘉行

出身草根階層,陳國正性格樂觀,長大更當上痛症專家。

陳國正(左)感謝太太對自己事業無條件支持。

在公立醫院的日子,陳國正(左一)與同事相處融洽。

陳國正(左三)曾帶領一班實習學生工作。