唔少名人尋日參加百萬行,莎莎老闆郭少明一身「皮氣」到場,佢着咗Moschino皮褸,左肩上有一個足球logo,同牌子嘅西褲,就喺後褲袋有「足球樣」,名副其實係「有前有後」,黑色皮鞋係特別窄長嘅尖頭設計,難得行起嚟都一樣舒服。
電能實業亦派隊支持,管理層同員工有過千人出席。集團董事總經理曹森夫妻檔現身,更出動白雪雪愛犬Bianco,途人仲爭住同呢隻「電能公益慈善犬」影相添!
莎莎老闆郭少明行完籌款步行後,再趕入馬場消遣。
曹棨森同太太帶同愛犬Bianco齊支持公益活動。(受訪者提供)