政壇：「官場技安」成日發夢
被嘲為「官場技安」嘅食物及衞生局局長周一嶽又出場嘞！佢尋日為新民黨一周年黨慶助興。現場所見，雖然佢冇大走音，但佢揀咗《沉默是金》同《All I Have to Do Is Dream》兩首歌，就完全係佢嘅心聲。喺唱《沉默是金》前，一鑊隨口講：「我哋成日都係咁o架啦！」而首英文歌，咪就係反映佢成日喺度發夢囉。佢同新民黨副主席着埋一式一樣嘅粉紅色唐裝衫，係咪寓意佢哋一齊「發夢」？
講番全城鬧爆嘅D&G事件，新民黨主席葉劉淑儀話佢唔係D&G嘅粉絲，但佢都認為嗰度啲保安無禮貌，仲話以後都唔會幫襯喎！
